مالیگاؤں شہر کے آگرہ روڈ سے غیر ضروری کھڑی بھاری گاڑیوں کو ہٹانے کے لیے کلیم یوسف عبداللہ کی جدوجہد رنگ لائی
فوری کارروائی کرتے ہوئے آگرہ روڈ سے پارکنگ ہٹائی گئی
مالیگاؤں ( ہم بھارت ) شہر مالیگاؤں میں ٹریفک اور اتی کریں بڑا مسئلہ بن چکا ہے۔ شہر کے مصروف ترین روڈ بھی اس سے بچے نہیں ہیں۔ کچھ ایسا ہی حال مالیگاؤں شہر کے آگرہ روڈ کا بھی ہے۔ اس تعلق سے کلیم یوسف عبداللہ شکایت کی جس کے بعد محکمہ پولیس نے آگرہ روڈ پر غیر ضروری ٹرکوں اور دیگر بھاری گاڑیوں کو ہٹایا، اس طرح شہر کے عوام اور دکانداروں نے راحت کی سانس لی۔ روزانہ ہونے والے حادثات، ٹریفک جام اور عوام کی پریشانی کو مدنظر رکھتے ہوئے کلیم یوسف عبداللہ نے 2 مارچ 2022 کو ڈی وائی ایس پی میڈم سے اپیل کی کہ وہ عوام کو فوری ریلیف فراہم کرنے کے لیے فوری اقدامات کریں اور اگلے ہی دن تمام بھاری گاڑیاں غیر قانونی پارکنگ کو ہٹادیا گیا۔ کلیم یوسف عبداللہ نے عوامی مفاد میں پولیس کی فوری کارروائی پر ڈی وائی ایس پی میڈم کا شکریہ ادا کیا۔ شہر کی مصروف ترین شاہراہ کو غیر قانونی پارکنگ سے پاک کر دیا گیا ہے۔ ساتھ ہی کلیم یوسف عبداللہ نے محکمہ پولیس سے اپیل کی ہے کہ اس سنگین مسئلے کو مستقل طور پر حل کیا جائے اور اس سڑک پر کم از کم دو ٹریفک کانسٹیبل تعینات کیے جائیں۔
