مہاڈا پلاٹ گلی نمبر 1 میں 3 سال کی بچی کے ساتھ زنا بالجبر
مالیگاؤں (ہم بھارت) مقامی پولیس کنٹرول روم سے تفصیلات موصول ہوئی ہے کہ عائشہ نگر پولیس اسٹیشن میں مہاڈا پلاٹ نمبر 9 گلی نمبر 1 گھر نمبر 371 کے ساکن 32 سالہ فریادی نے شکایت درج کرائی کہ 65 سالہ ملزم ساکن مہاڈا پلاٹ گلی نمبر 9 نے فریادی کی نابالغ 3سالہ بچی کے ساتھ غیر قانونی اور غیر اسلامی و غیر اخلاقی حرکت کی۔ تفصیلات کے مطابق فریادی کی 3 سالہ بچی گھر میں کھیل رہی تھی تبھی 65 سالہ ملزم نے نابالغ لڑکی کے ساتھ زنا بالجبر کیا اس پر مذکورہ بالا پولیس اسٹیشن کے تھانے دار نے ملزم کے خلاف مقدمہ اور کیس نمبر 81/2021/376 اور پوسکو کی قلم 7/8 کا سنگین مقدمہ داخل کردیا ہے ۔
آگے کی قانونی کاروائی جاری ہے یاد رہے کہ اس سنگین معاملے کی اطلاع اور جانکاری مقامی اے ایس پی چندر کانت کھانڈوی اور سورونشی کے ساتھ ساتھ دامنی پولیس اسکواڈ کو دی گئی فی الحال ملزم گرفتار ہوگیا ہے
اختر آباد - کھٹرکی روڈ اور فارمیسی نگر سے 3 تلوار ضبط
مالیگاؤں (ہم بھارت ) پولیس کنٹرول روم سے تفصیلی معلومات حاصل ہوئی ہے کہ پوار واڑی پولیس اسٹیشن کی حدی سے اختر آباد علاقے میں فیمس ہوٹل کے پاس سے ملزم سفیان احمد تاج محمد 20 سالہ نوجوان ساکن فارمیسی نگر کے قبضے سے 3 سو مالیت کی ایک لال رنگ کی تلوار ضبط کی گئی۔ ملزم کسی گناہ کے ارادے سے گھوم رہا تھا
اسی طرح سٹی پولیس اسٹیشن میں فریادی کی شکایت پر ملزم سعود احمد محمد مومن 22 سالہ ساکن رحیمہ آباد کھٹرکی روڈ پر مذکورہ پولیس نے 2 سو کی ایک تلوار اور دوسرا ملزم امیر شاہ ارمان شاہ کے قبضے سے پولیس نے ایک اور تلوار کی ضبطی کرکے ملزمان کے خلاف مقدمہ اور کیس نمبر 288/155/453/20214/25 بھارتی ہتھیار قاعدہ و قلم کے تحت مقدمہ داخل کردیا ہے۔ آگے کی قانونی کاروائی جاری ہے ۔کل ملا مالیگاوں شہر کے 3 الگ الگ پولیس اسٹیشن کی حدی سے 3 نوجوانوں کے قبضے سے 7 سو مالیت کی کل 3 تلواریں ضبط کر لی گئی ہیں
