ڈال عبداللہ گڑ تھیلے میں، دھولیہ ایم ایل اے کی بیانی سے مقامی مجلسی ایم ایل اے کے خیمہ میں ہلچل و بے چینی

 رکن اسمبلی فاروق شاہ کی حقیقت بیانی سے مقامی مجلسی خیمہ میں گھبراہٹ

*"""""* *"""""* *"""""* *"""""* *"""""*

ڈال عبداللّٰہ گڑ تھیلے میں کو غلط ثابت کرنے کیلئے آناً فاناً پی۔اے۔ کا ویڈیو وائرل

=۰:;:۰=۰:;:۰=۰:;:۰=۰:;:۰=۰:;:۰=۰:;:۰

مالیگاؤں کے مجلسی ایم۔ایل۔اے۔ فاروق شاہ کی غلط بیانی پر  چیلینج کیوں نہیں کررہے ہیں؟ شہری عوام تذبذب کا شکار

===۰-۰==۰-۰==۰-۰==۰-۰==۰-۰==۰-۰===

مالیگاؤں (صابر گوہر / ہم بھارت) 25,اگست: دھولیہ کے  رکن اسمبلی ڈاکٹر فاروق شاہ نے مقامی مجلسی ایم۔ایل۔اے۔ کی پول کھولتے ہوئے انہیں نکما، نااہل، ناکارہ اور کام چور ثابت کردیا۔ اس کیساتھ ہی انہوں نے صحافیوں کے روبرو حقیقت بیانی سے کام لیتے ہوئے اپنی حکمت عملی سے دھولیہ شہر کے وکاس کیلئے کروڑوں نہیں اربوں روپیوں کی منظوری کے کاغذات دکھانے کے علاوہ مالیگاؤں کے مجلسی ایم۔ایل۔اے۔ پر پی۔ اے۔ کے نام سے اپنے ہی فرزند کو تنخواہ حاصل کرنے کا انکشاف کرکے مقامی مجلسی رکن اسمبلی سمیت مجلس کے تمام گرگوں کی نیند حرام کردی ہے۔ 

دھولیہ کے رکن اسمبلی ڈاکٹر فاروق شاہ کے انٹرویو کے بعد مقامی مجلسی ٹولہ بوکھلاہٹ کا شکار ہے۔ اپنی جھینپ مٹانے کی خاطر انہوں نے آناً فاناً  کسی "رفیق ملا" کا ویڈیو وائرل کرکے اس کو مجلسی ایم۔ایل۔اے۔ کا پی۔ اے۔ ظاہر کرنے کی ناکام کوشش میں مصروف ہیں۔ 

واضح رہے کہ اس ویڈیو میں ایک شخص کو ایم۔ایل۔اے۔ موصوف سے گفتگو کرنے اور اس کے گلے میں لٹکے شناختی کارڈ کو پی۔اے۔ کا کارڈ ظاہر کرتے ہوئے زوم کرکے دیکھنے کی اپیل مجلسی خیمہ سے کی جارہی ہے۔ 

واضح رہے کہ دھولیہ کے رکن اسمبلی فاروق شاہ نے اپنے انٹرویو میں صاف لفظوں میں کہا ہیکہ غلط بیانی ثابت ہونے پر وہ (فاروق شاہ) اپنی اسمبلی رکنیت سے استعفیٰ دینے کو تیار ہیں تو غیر مصدقہ ویڈیو شیئر کرنے کی بجائے منترالیہ سے رفیق ملا کی نامزدگی، اوریجنل شناختی کارڈ، اور منترالیہ سے رفیق ملا کے نام سے جاری پے سلپ کی مستند کاپیاں  پریس اور میڈیا کے سامنے رکھیں اور دھولیہ کے رکن اسمبلی کی غلط بیانی ثابت کرتے ہوئے ان پر ہتک عزت کا مقدمہ دائر کریں۔ 

سوشل میڈیا پر کوئی بھی ویڈیو جاری کرکے اور اس ویڈیو میں شناختی کارڈ زوم کرکے دیکھنے اور دکھانے کا چھچھند بند کریں۔ 

خیر سے مقامی رکن اسمبلی کے نکمے، نااہل، ناکارہ اور کام چور ہونے کی بات خود ان کے اپنے گھر (مجلس اتحادالمسلمین) سے باہر آئی ہے۔ لہٰذا ڈاکٹر فاروق شاہ غلط بیانی سے کام لے رہے ہیں تو مجلسی ایم۔ایل۔اے۔ اپنی حقیقت بیانی اور دستاویز کیساتھ خود پریس سے مخاطب ہونے کا چیلینج قبول کریں۔اور ڈال عبداللہ گڑ تھیلے میں کی کہاوت کو غلط ثابت کریں۔ ویسے بھی سالار مجلس کا قول ہے "ابا نے بولنے کا، بچوں نے نئیں بولنے کا" تو پھر لگ جاؤ دھولیہ کے مجلسی رکن اسمبلی کو جھوٹا ثابت کرنے کیلئے۔ شہر کے عوام تماشہ دیکھنے کی منتظر ہے۔