ممبئی (ہم بھارت) 9 جولائی 2021 ریاست مہاراشٹر کی وزیر تعلیم ورشا گائیکواڑ کی جانب سے پرائمری ، پری پرائمری ، سیکنڈری ، ہائر سیکنڈری اسکولوں ، سرکاری اور نجی تعلیمی امدادی اداروں میں 6100 اساتذہ کی بھرتی کا بڑا اعلان کیا گیا ہے۔ یہ بھرتی ریاست مہاراشٹر کے مختلف علاقوں میں حکومت کے منظور شدہ تعلیمی اداروں میں کی جائے گی
ورشا گائیکواڑ نے ٹوئٹ کرتے ہوئے کہا کہ چیف منسٹر ادھو ٹھاکرے، ڈپٹی سی ایم اجیت پوار اور اسٹیٹ وزیر مالیات بالے صاحب تھورات نے ٹیچر بھرتی کے پر پوزل کو مانتے و قبول کرتے ہوئے ٹیچر بھرتی پر عائد پابندیوں اور بندشوں کو ہٹادیا۔
کن اساتذہ کی بھرتی ہوگی
6100 اساتذہ کی یہ بھرتی TAIT امتحان اور انٹرویو کی بنیاد پر ہوگی۔
ہندوستان ٹائمز کی رپورٹ کے مطابق 27 جون کو ادئے ساونت نے بیان جاری کیا کہ کورونا کی وجہ سے بھرتی کا سلسلہ روک دیا گیا تھا۔ مزید معلومات دیتے ہوئے کہا کہ 3064 پروفیسر بھرتی کے پروپوزل کو فائنانس ڈپارٹمنٹ میں بھیج دیا گیا ہے۔ امید ہیکہ یہ مرحلہ جلد ہی مکمل ہوجائے گا۔
کافی دنوں سے اساتذہ کی بھرتی رکی ہوئی تھی۔ جس کی وجہ اساتذہ میں مایوسی اور تذبذب پایا جارہا تھا۔ ڈی ایڈ ،بی ایڈ ایڈمیشن میں بھی کافی کمی آچکی تھی۔ بلکہ مہاراشٹر کی بہت ساری کالج بند بھی ہوچکی ہے۔ لیکن اس بیان کہ منظر عام پر آنے کے بعد اساتذہ میں امید کی کرن جاگی ہے۔ اساتذہ میں خوشی پائی جارہی ہے۔
