اترپردیش کے سلطان پور ضلع میں ، سٹی پولیس تھانہ علاقہ کی ایک لڑکی ، (جو مائیکرو فنانس میں کام کرتی ہے ) کے اغوا اور زیادتی کا معاملہ سامنے آیا ہے۔ جمعرات کو ، لڑکی نے ایس پی آشیش سریواستو کے سامنے اپنی شکایت پیش کی۔ جس کے بعد کلوری پولیس اسٹیشن میں مقدمہ درج کیا گیا۔
پولیس میں درج شکایت میں لڑکی نے الزام لگایا ہے کہ وہ سلطان پور کے دوست پور ضلع میں ایک مائیکرو فائنانس کمپنی میں ملازمت کرتی ہے۔ اتوار کی شام ، وہ اپنی اسکوٹی سے دوست پور جانے کے لئے روانہ ہوئی۔ جب وہ کلوری تھانہ علاقہ کے گووندا پور گاؤں کے مزار کے قریب پہنچی تو اس کے گاؤں کے رماکانت اور مدن پیچھے سے آئے اور اسے روکا۔
اس کے ہاتھ سے موبائل چھین لیا اور پاس رکھے ہوئے پانچ ہزار روپے بھی چھین لیے۔ اتنا ہی نہیں دونوں افراد نے اپنی موٹرسائکلیں وہاں کھڑی کیں اور زبردستی اسے اپنی اسکوٹی پر بیٹھاکر ٹانڈہ کے تھرمل پاور کے لیے بچھائی گئی ریلوے لائن کے پاس لے گئے۔ اور پھر ملزمین نے لڑکی کی عصمت ریزی کی اور بے ہوشی کی حالت میں اسے چھوڑ کر فرار ہوگئے۔
پیر کی صبح چار بجے کے قریب جب اسے ہوش آیا تو وہ کسی طرح اپنے دفتر پہنچی۔ وہاں اپنے ساتھ کام کرنے والے لوگوں کو بتایا تو انہوں نے اس کے گھر فون کیا۔ فون پر اطلاع ملنے کے بعد ، اس کے والد اسے لینے اس کے دفتر پہنچے اور اس کے ساتھ گھر واپس آئے۔
سی او کلواری شکتی سنگھ نے بتایا کہ اس معاملے میں تحریر کی بنیاد پر کلواری تھانے میں متعلقہ دفعات کے تحت مقدمہ درج کرلیا گیا ہے۔
