مالیگاؤں: مرچنٹ نگر سروے نمبر 41/1 پلاٹ نمبر 12 کسمبا روڈ علاقے کے عمران احمد محمد یوسف عرف گلزار نے مقامی اے ایس پی چندر کانت کھانڈوی کو تحریری مکتوب دے کر انصاف کا مطالبہ کیا ہے۔ گلزار نے کہا کہ ملزم آصف محمد اسماعیل نیشنل نے اس کی زمین پر زبردستی اتی کرمن کرکے قبضہ کرلیا ہے۔ اور دادا گیری کے علاوہ غنڈہ گردی کرتے ہوئے روڈ کو بلاک کردیا اور پلاٹ گراکر فروخت کررہا ہے۔ لہذا اس پر قانونی کاروائی کی جائے۔ اس طرح کا مطالبہ تحریری مکتوب کے ذریعے اے ایس پی سے کیا گیا۔
