ممبئی: بالی ووڈ اداکار اور رئیلٹی شو 'بگ باس' کے سابق کنٹسٹنٹ اعجاز خان کو بروز بدھ 31 مارچ کو نارکوٹکس کنٹرول بیورو (این سی بی) نے گرفتار کرلیا۔ اس سے قبل بھی انہیں اپنے گھر پر پابندی عائد دوائیں رکھنے کے الزام میں حراست میں لیا گیا تھا۔ جیسے ہی اعجاز راجستھان سے ممبئی ہوائی اڈے پر واپس آئے ، این سی بی نے انہیں اپنی تحویل میں لے لیا۔ اداکار اعجاز خان کو آج عدالت میں پیش کیا گیا۔ اس دوران این سی بی نے عدالت کو بتایا کہ منشیات فراہم کرنے والے شاداب بٹاٹا کے بیان ( اسٹیٹ مینٹ ) میں اعجاز خان کا نام سامنے آیا ہے۔
این سی بی نے بتایا کہ واٹس ایپ چیٹس اور وائس نوٹ ملے ہیں ، جس سے ظاہر ہوتا ہے کہ اعجاز خان بھی منشیات کے کاروبار میں ملوث ہیں۔ دونوں کو آمنے سامنے بیٹھا کر پوچھ گچھ کرنی ہے۔ این سی بی نے عدالت میں یہ بھی کہا کہ اعجاز ایک بااثر شخص ہے اور وہ اپنا اثرورسوخ غلط کاموں کے لئے استعمال کررہے ہیں ۔ اس معاملے میں کورٹ نے اعجاز خان کو 3 اپریل تک این سی بی کی کسٹڈی میں بھیج دیا ہے۔
این سی بی نے اداکار اعجاز خان کو گرفتار کیا ، - نیند کی چار گولیاں ملی ہیں ، جو بی وی لیتی تھی
بتادیں کہ اعجاز خان کے گھر سے ممنوعہ دوا الپرا زولم موصول ہوئی ہے۔ جب اداکار سے پوچھا گیا کہ ان کے گھر سے گولی ملی ہے ، تو انہوں نے کہا ، 'وہ نیند کی 4 گولیاں ہیں۔ میری بیوی کا اسقاط حمل ہوا ہے ، اس لئے ڈپریشن میں وہ گولی لیتی ہے۔
