فرید آباد میں نوکرانی کے ساتھ چھیڑ چھاڑ اور مارپیٹ کرنے کے الزام میں پولس نے ایک بھاچپا کے لیڈر کو گرفتار کرلیا ہے۔ تفصیلات کےمطابق ملزم نے نوکرانی کی بیٹی کے ساتھ فحش حرکت کی جب لڑکی نے احتجاج کیا تو ملزم نے ہاکی اور اسٹک سے اس کی بری طرح پٹائی کردی۔ اس معاملے کی ایک ویڈیو بھی منظر عام پر آئی ہے۔ اس معاملے کی شکایت ملنے پر پولس نے ملزم کو گرفتار کرلیا ہے۔
یہ معاملہ فرید آباد کے سیکٹر 16 اے کے خواتین تھانہ علاقے کا ہے۔ اطلاع کے مطابق پرانا فرید آباد کے اشوک گوئل نے گھر میں صاف صفائی کے لیے ایک خاتون کو نوکری پر رکھا تھا۔ بتایا جارہا ہے کہ گوئل نے اسے اپنے گھر کا حصہ دار بھی بنارکھا ہے۔ خود کو بی جے پی کا لیڈر بتانے والا اشوک گوئل خاتون نوکرانی اور اس کی بیٹی پر رعب جھاڑتا ہے۔ اشوک نوکرانی کی بیٹی کو فون کرتا اور اس سے فحش باتیں کرتا ہے۔ جب لڑکی نے شکایت کی تو ملزم نے گھر بجلی اور پانی کا کنکشن منقطع کردیا۔ متاثرہ لڑکی 15 مارچ کو پولس تھانہ پہچی اور فریاد درج کرایا۔ جس پر کاروائی کرتے ہوئے ملزم کو گرفتار کرلیا گیا۔ بے جے پی کے ضلعی صدر گوپال شرما نے گوئل کو بھاجپا کا لیڈر ماننے سے انکار کردیا ہے۔
