خاتون نے شوہر پر شدید الزام عائد کیا کہ اس کے شوہر نے باقاعدگی سے ان خواتین کو ہنیٹرپ کرتا ہے اور بلیک میل کرنے کی نیت سے ان کی 'بے حیائی' والی ویڈیوز ریکارڈ کرتا ہے۔ اس معاملے سے متعلق خاتون نے میرٹھ کی سینئر سپرنٹنڈنٹ پولیس (ایس ایس پی) سے ملاقات کی ہے اور اپنے شوہر کی سرگرمیوں کے خلاف شکایت درج کروائی ہے۔
اس خاتون نے یہ بھی دعوی کیا ہے کہ ان کے پاس اپنے شوہر کی 'حرکتوں کے ثبوت موجود ہیں اور انہوں نے ایس ایس پی اجے ساہنی کو کچھ قابل اعتراض تصاویر اور ویڈیوز پیش بھی کیں۔ خاتون نے بتایا کہ اس نے یہ تصاویر اور ویڈیوز اپنے شوہر کے فون سے لی ہیں۔ خاتون نے یہ بھی الزام لگایا کہ اس نے اس کے بارے میں مقامی پولیس کو آگاہ کیا تھا لیکن سب کچھ جاننے کے باوجود پولیس نے شوہر کے خلاف کوئی کارروائی نہیں کی۔
دریں اثنا ، ایس ایس پی نے کٹھور سرکل آفیسر (سی او) کو معاملے کو دیکھنے کی ہدایت کی ہے۔ اس خاتون نے اپنے شوہر پر استحصال کا الزام بھی عائد کیا ہے۔ شکایت کنندہ کا کہنا ہے کہ اس نے دو دن قبل ہی ہا پور بس اسٹینڈ پر اپنے شوہر کو رنگے ہاتھوں پکڑا تھا اور اس کی پٹائی بھی کی تھی ۔ خاتون کے مطابق ، جب اس نے اپنے شوہر کو بے نقاب کرنے کی دھمکی دی تو اس کے سسرالیوں نے اس کے ساتھ زیادتی کی اور مجرمانہ فعل کی ویڈیو بھی بنائی۔
خاتون کا دعویٰ ہے کہ اسے مسلسل دھمکیاں دی جارہی ہیں۔ اس الزام کے مطابق ، عورت کا شوہر بہت سارے لوگوں کے ساتھ مل کر خواتین کو پھنساتا ہے اور پھر ان کی فحش ویڈیوز بنا کر انہیں بلیک میل کرتا ہے۔ صرف یہی نہیں ، وہ اس طرح کا سارا ریکیٹ چلاتا ہے۔ میرٹھ ایس ایس پی نے کٹھور سی او کو ہدایت کی ہے کہ وہ اس معاملے کی تحقیقات کریں اور مناسب کاروائی کریں۔
