کتّوں کی دھما چوکڑی سے میاں بیوی اور بچے زخمی
مالیگاؤں، شہر میں آوارہ انسانوں کی طرح آوارہ کتّوں کی تعداد بھی بڑھتی جارہی ہے۔ کون زیادہ خطرناک ہے اور کون کس پر اثر انداز ہورہا ہے یہ کہنا مشکل ہے۔ معصوم شاہ درگاہ گرنا روڈ پر واقع محلہ گلشن یسین علاقہ میں آوارہ کتّوں نے سات سالہ معصوم بچے کو کاٹ لیا۔ جب والدین بچے کو بچانے گئے تو کتے نے میاں بیوی کو بھی کاٹ لیا۔ انہی کے ساتھ غلام رسول ،ساجدہ بانو، نعمان اور محمد سالم کو بھی کتّوں نے زخمی کردیا۔ کارپوریشن کی جانب سے کتّوں کو ٹھکانے لگانے کی باتیں سامنے آرہی تھیں اور عوامی نمائندوں کی کامیاب نمائندگی کی باتیں بھی سامنے آرہی تھیں۔ لیکن حالات دیکھ کر کیا ایسا لگتا ہے کہ اس کامیاب نمائندگی ہوئی ؟ یا کارپوریشن سنجیدہ ہوئی؟ کون ہے اس کا ذمہ دار؟
گیس سلینڈر سپلائر نے مسلم خاتون سے کی چھیڑ چھاڑ۔ مقدمہ داخل
مالیگاؤں، عائشہ نگر پولس اسٹیشن میں نیا اسلامپورہ سروے نمبر 38 کی رہنے والی 30 سالہ مسلم خاتون نے سنگین شکایت کی کہ نیل گوان تعلقہ مالیگاؤں کا رہنے والا 24 سالہ ملزم دھن راج بھگوان سکٹ نے فریادی کے مکان کے سامنے صبح میں ساڑھے گیارہ بجے گیس سلنڈر سپلائی کرتے وقت فریادی سے پیسے حاصل کرتے ہوئے سنگین طور مسلم فریادی خاتون سے چھیڑ چھاڑ کی۔ اس معاملے میں پولس تھانہ دار نے ملزم دھن راج گیس سلنڈر سپلائر کے خلاف قلم12/2021/354اے کے تحت کیس درج کرلیا ہے۔
معصوم شاہ کٹی پر 3 ہزار روپے کی جبری چوریاوباش قسم کے نوجوانوں نے کٹر سے وار کرکے رقم لوٹ لی
مالیگاؤں، آزاد نگر پولس اسٹیشن میں 30 سالہ فریادی نے شکایت کی کہ ڈپو کا رہنے والا ملزم ہارون علی شوکت علی اور ہیرا پورہ کا ملزم شعیب محمد طالب شیخ کے علاوہ دو نا بالغ ملزمین نے فریادی کی سائیکل سے دھکا لگنے پر فریادی کو لاتوں اور گھونسوں سے مارتے ہوئے کٹر سے حملہ کردیا اور 3 ہزار کی نقدی لے کر فرار ہوگئے۔ اس معاملے میں پولس نے ملزمین کے خلاف 34/45/2021/394 کے تحت کیس داخل کردیا ہے۔
دس دنوں میں 9 سو کووڈ کے مقدمات داخل
مالیگاؤں، مالیگاؤں اے ایس پی چندر کانت کھانڈوی نے نمائندہ کو بتایاکہ گذشتہ دس دنوں میں محکمہ پولس اور میونسپل کارپوریشن نے مل کر کورونا وباء کے چلتے 9 سو مقدمات داخل کئے ہیں۔ اس کے علاوہ کارپوریشن نے 2 ہزار روپے جرمانہ بھی وصول کیاہے۔ اے ایس پی نے کہا کہ ماسک نہ لگانے والوں پر شکنجہ کسہ جائے گا۔
