ان دنوں وسیم رضوی سے ہندوستان ہی نہیں بلکہ دنیا بھر کے مسلمان کافی ناراض ہیں۔ وسیم رضوی کے خلاف لوگ میدان میں آچکے ہیں کاروائی کرنے کی مانگ کی جارہی ہے۔ وسیم رضوی نے قرآن کی 26 آیتوں کو قرآن سے نکالنے کے لئے سپریم کورٹ میں پی آئی ایل داخل کی ہے۔ جس کی وجہ سے دنیا بھر کے مسلمانوں میں غصہ پایا جارہا۔
ہندوستان میں جگہ جگہ وسیم رضوی کے خلاف احتجاج جاری ہے۔ اسی سلسلے میں 19 مارچ 2021 بروز جمعہ دہلی کی جامع مسجد کے باہر تمام مسالک کے علماء اور لوگوں نے مل کر رضوی کے خلاف زبردست احتجاج کیا۔اور اس پر کاروائی کی مانگ کی۔ احتجاج میں شریک مقررین نے کہا کہ ملعون ایک دوسرے مسلک کے لوگوں کو آپس میں لڑانا چاہتا ہے لیکن ہم ایک ساتھ ایک پیلٹ فارم پر ہیں۔
یاد رہے کہ وسیم رضوی اس سے قبل بھی اسلام اور مسلمانوں کےخلاف زہر افشانی کرچکا ہے۔ اب دیکھنا یہ ہے کہ ان تمام احتجاج کا کیا اثر ہوتا ہے اور کیا کاروائی ہوگی؟
