بیگوسرائے:: ایک طرف نتیش کمار حکومت بہار کی خواتین کو بااختیار بنانے کے لئے بات کرتی ہے اور دعوی کرتی ہے ، دوسری طرف ، ان کی اپنی پارٹی (جے ڈی یو) کے رہنما خواتین کی عزت تار تار کرتے نظر آتے ہیں۔ تازہ ترین معاملہ ضلع بیگوسرائے کے تیگھرہ پولیس اسٹیشن کے علاقے کرتاؤل گاؤں کا ہے ، جہاں جے ڈی یو رہنما سرور آزاد اور اس کے حامیوں کے ذریعے ڈنڈے لاٹھیوں اور اینٹ سے کئی خواتین کو مارنے کی ایک ویڈیو منظر عام پر آئی ہے۔ جس میں آدھی درجن سے زیادہ خواتین شدید زخمی ہوئیں۔
کہا جاتا ہے کہ جے ڈی یو رہنما سرور آزاد کرتول پنچایت میں واقع وارڈ 12 میں کچھ غریب خواتین کی اراضی پر زبردستی عمارت بنا رہے تھے۔ جہاں پرخواتین عمارت کے پاس زمین پر لیٹ کر احتجاج کرنے لگیں ۔ یہ دیکھ کر جے ڈی یو رہنما سرور آزاد نے طاقت کا مظاہرہ کرتے ہوئے خواتین کو اپنے حامیوں کے ذریعے مارنا شروع کردیا۔ جس میں نصف درجن غریب خواتین بری طرح زخمی ہوئیں۔ جے ڈی یو رہنما کی تمام حرکتیں کیمرے میں قید ہوگئیں۔ فی الحال تمام زخمی خواتین کا نجی اسپتال میں علاج جاری ہے۔ جس میں بہت ساری خواتین کی حالت نازک بتائی جارہی ہے۔
ویڈیو میں دکھایا گیا ہے کہ جے ڈی یو رہنما اور ان کے حامی خواتین کو بے دردی سے پیٹ رہے ہیں۔ جب زخمی خواتین اپنی شکایت لے کر تیگھرہ پولیس اسٹیشن پہنچی تو تھانہ انچارج نے رہنما کے ساتھ تعلق کی وجہ سے مقدمہ درج نہیں کیا۔
