ممبئی آگرہ روڈ نیشنل ہائی وئے نمبر تین پر ناسک کرائم برانچ کی ٹیم کی نے 58 کلو گانجہ کیا ضبط ۔2 لاکھ کا گانجہ اور 4 لاکھ کی کار کو اپنی تحویل میں لیا
مالیگاؤں (شکیل پترکار) گذشتہ دنوں ناسک کے اسپیشل اسکواڈ ناسک کرائم برانچ کے اراکين نے نیشنل ہائے وے نمبر تین پاٹنہ پھاٹا کے پاس کولانے روڈ پر 58 کلو گانجہ ضبط کیا۔ یہ گانجہ ملزمین کار میں لے جارہے تھے جس کی مجموعی قیمت 2 لاکھ بتائی گئی ہے۔ اسی کے ساتھ جس کار میں گانجہ کی غیر قانونی نقل و حمل کی جارہی اس کار کو بھی پولس نے اپنی تحویل میں لے لیا ہے۔جس کی قیمت 4 لاکھ بتائی جارہی ہے۔ کل ملار 6 لاکھ مالیت کا مال پولس نے ملزمین کے قبضہ سے ضبط کیا ہے۔
اس معاملے میں پولس نے 21 سالہ ملزم شیخ ارباز شیخ حمید (ساکن نندن نگر نہال نگر پولیس چوکی کے پاس) نجم الدین شہباب الدین قاضی 22 سال ساکن نیا اسلام پورہ سلام چاچا روڈ شکاری ہوٹل کے پاس اور روہن سریش گھوسر ساکن دیانے کو اپنی تحویل میں لے لیا ہے۔ اس معاملے کی شکایت ناسک کرائم کے فریای شاگر سریش سمپی نے تعلقہ پولیس اسٹیشن میں کی جس پر پولیس اسٹیشن کے تھانےدار نے ملزمان پر قلم 83/20/22/ این ڈی پی ایس کے تحت معاملہ مکمل کیا۔ گانجہ ضبطی معاملے میں ناسک کرائم برانچ کی یہ سب سے بڑی کاروائی بتائی جارہی ہے
