مسجد یا رسول کے پاس سے نابالغ کا اغوا مقدمہ داخل
مالیگاؤں سٹی پولیس اسٹیشن میں43 سالہ فریادی ساکن کسمبا روڈ دھندہ مچھلی فروش نے شکایت کی کہ ملزم رضوان شاہ ساکن سٹانہ نے فریادی کی نابالغ بچی کو کسی طرح کا لالچ دے کر اپنے ساتھ اغوا کرکے فرار ہوگیا۔ اس معاملے میں پولیس نے ملزم کے خلاف قلم 363 /2021/10 کے تحت مقدمہ کا اندراج مکمل کیا۔
یاد رہے کہ ان دنوں دینی،تہذیبی اور علمی شہر میں اس طرح کے واقعات میں اضافہ ہورہا ہے۔ کون اس جانب توجہ دے گا؟ کس طرح یہ معاملات حل ہوں گے؟
راجہ نگر علاقے میں گیندہ میدان پر گانجہ پینے پر منع کرنا منہگا پڑا
مالیگاؤں آزاد نگر پولیس اسٹیشن میں فریادی کلیم شیخ جمیل 32 سالہ ساکن گیندہ میدان دھندہ آٹو رکشہ ڈرائیور نے شکایت کی کہ ملزم ناصر موسی کالیا اور دو نامعلوم نے فریادی کیساتھ کٹر سے مار ڈھاڑ کی۔
تفصيل کے مطابق فریادی نے ملزمان کو پندرہ دنوں قبل گانجہ پینے سے منع کیا تھا اس معاملے کو لیکر ملزمان نے فریادی پر کٹرسے وار کردیا اور فریادی کا پانچ ہزار مالیت کا موبائل کا بھی نقصان ہوا۔ اس معاملے میں پولیس نے قانون کی قلم 323/324/16/2021 کے قانونی شکایت درج کرلی ہے۔
دیانہ چکن کی دکان کے پاس سے نقدی اور قیمتی موبائل کی جبری چوری
دیانہ رمضان پورہ پولیس اسٹیشن میں 22 سالہ فریادی شیخ مستقیم شیخ شکیل پاور لوم مزدور (ساکن رمضانپورہ گٹ نمبر 155 پلاٹ نمبر 20 بسم اللہ مسجد کے پاس) نے سنگین شکایت کی ملزم رضوان دھپل ساکن نہال نگر اور ہمیا کے علاوہ ان کے ایک اور ساتھی نے مل کر دیانے میں چکن کی دکان کے پاس نالےسے لگ کر دیانے میں آٹو رکشہ کے پاس فریادی کا قیمتی موبائل اور48 سو نقدی جبری چوری کرکے فرار ہوگئے۔اس معاملے میں دیانے پولیس کے تھانیدار نے بھارتی قلم 34/394/5/2021 کا کیس اور مقدمہ مکمل کردیا ہے۔
